Það fer fram stórleikur í ensku úrvalsdeildinni á morgun er Manchester United fær Liverpool í heimsókn.

Eins og flestir vita er mikill rígur á milli þessara liða og verður ekkert gefið eftir í viðureign morgundagsins.

Leikið er á Old Trafford, heimavelli United og er allt gert til þess að halda vellinum og grasinu í góðu standi.

Það er athyglisvert að skoða hvað vallarstarfsmenn United notuðu á grasið í gær til að halda grasinu góðu.

Þeir spreyjuðu hvítlauk á grasið á Old Trafford en það er aðferð sem er notuð af nokkrum liðum í efstu deild.

Það er þekkt að ormar geti skemmt grasið fyrir leiki og hjálpar hvítlaukurinn við til að koma þeim burt.

Grasið ætti því að vera í toppstandi fyrir leik morgundagsins og vonandi verður fótboltinn í háum gæðaflokki.