Íslenskar fjölmiðlakonur krefjast þess að Hjörtur Hjartarson muni ekki starfa lengur innan stéttarinnar. Þær segja að yfirmenn fjölmiðla Íslands verði að tryggja öryggi starfsmanna sinna en Hjörtur hafi endurtekið orðið uppvís að því að ógna og veitast að samstarfsfólki. Þær segja að þó alkóhólismi sé alvarlegur sjúkdómur þá afsaki það ekki ofbeldi. Þær segja í yfirlýsingunni að það sé ólíðandi að Hjörtur fá enn eitt tækifæri þó hann hætti að drekka. Yfirlýsinguna má lesa í heild sinni hér neðan.
Líkt og DV greindi frá í gær þá var Hjörtur sendur heim frá HM í Rússlandi af yfirmönnum sínum eftir að hafa áreitt Eddu Sif Pálsdóttur, íþróttafréttamann á RÚV. Hjörtur féll á bindindi og kveðst ekki ætla að snerta áfengi á ný og leita sér hjálpar. Þetta er í þriðja sinn sem Hjörtur hefur orðið uppvís að óviðeigandi hegðun. Hjörtur var sendur í leyfi frá störfum árið 2014 á Stöð 2 eftir að hafa ráðist á samstarfsmann sinn í starfsmannapartí. Þurfti starfsmaðurinn að leita sér aðhlynningar. Þá var Hjörtur rekinn af RÚV árið 2012 eftir að Edda Sif Pálsdóttir kærði hann fyrir líkamsárás. Samkvæmt heimildum DV líta vinnuveitendur Hjartar málið alvarlegum augum.
Heimildir DV í Rússlandi herma að Hjörtur hafi verið drukkinn bróðurpart ferðarinnar, hann hafi ekki fallið sama kvöld og atvikið átti sér stað.
Fleiri en fjölmiðlakonur hafa fordæmt hegðun Hjartar og sagt að áfengissýki sé engin afsökun. Hildur Lilliendahl er ein þeirra. Hildur skrifaði á Twitter í gær: „Þú hrasaðir, já. Eða þá að þú ert ofbeldismaður. Eigum við að kalla það fullreynt að bjóða fólki upp á að vinna með þessum manni? Eða stendur til að gera fleiri tilraunir?“
Tara Margrét Vilhjálmsdóttir segir sömuleiðis á Twitter að drykkja afsaki ekki ofbeldi. „Áfengissýki er ekki bein ávísun á ofbeldi. Á einhverjum tímapunkti þurfa gerendur að hætta að nota þetta sem afsökun og við að hætta að samþykkja þetta sem afsökun. Ef að einhver sýnir tilhneigingu til að beita ofbeldi undir áhrifum áfengis er áfengið ekki rót vandans heldur ofbeldistilhneigingin. Viðkomandi þarf fyrst og fremst aðstoð við að hætta að beita ofbeldi, ekki við að hætta að drekka,“ segir Tara Margrét.
Hún segir enn fremur að það sé meðvirkni að afsaka slíka hegðun. „Þessi veikindaorðræða er ekkert annað en gerendameðvirkni og hvergi er gerendameðvirknin meiri en innan fjölmiðla sem gefa ofbeldismönnum sjéns eftir sjéns eftir sjéns án þess að skeyta um öryggi starfsfólks síns eða þolendur þessara manna. Hvenær ætlum við að byrja að leyfa þolendum að njóta vafans fram yfir gerendur? Af hverju er sama sagan alltaf að endurtaka sig án þess að við lærum af henni?“
Íslenskar fjölmiðlakonur krefjast þess að fastar sé tekið á ofbeldi og áreitni á vinnstöðum þeirra og skora á starfsmenn fjölmiðla og yfirmanna að fylgja fyrirheitum #Metoo byltingarinnar. Hér fyrir neðan má lesa yfirlýsinguna í heild sinni, en samstarfskonur Hjartar á Stöð 2 og Bylgjunni skrifa ekki undir yfirlýsinguna en heimildir DV herma að þær fordæmi hegðun Hjartar.
Við undirritaðar, konur í fjölmiðlum, krefjumst þess að yfirmenn fjölmiðla í landinu tryggi öryggi okkar og annarra starfsmanna sinna á vinnustað. Við mótmælum því að í stéttinni starfi maður sem hefur ítrekað áreitt og beitt samstarfsfólk sitt ofbeldi.
Hjörtur Hjartarson, íþróttafréttamaður hjá Sýn, hefur endurtekið orðið uppvís að því að ógna og veitast að samstarfsfólki sínu. Hirti var sagt upp störfum á RÚV árið 2012, eftir að hann beitti samstarfskonu sína ofbeldi sem varð til þess að hún kærði hann fyrir líkamsárás. Hún dró kæruna til baka eftir að hann axlaði ábyrgð og baðst afsökunar. Hjörtur var einnig sendur í leyfi frá störfum sem íþróttafréttamaður á Stöð 2 eftir að hann réðst á samstarfsmann sinn þar árið 2014. Á dögunum var Hjörtur svo sendur heim eftir að hafa veist á ný að fyrrum samstarfskonu sinni á RÚV þar sem hún var við störf á HM í knattspyrnu í Rússlandi.
Alkóhólismi er alvarlegur sjúkdómur. Hann leiðir þó ekki sjálfkrafa til ofbeldishegðunar. Við, konur í fjölmiðlum, teljum ólíðandi að maður sem ítrekað hefur brotið á samstarfsfólki sínu fái sífellt ný tækifæri í fjölmiðlastétt á þeim forsendum hann sé hættur að drekka. Við höfnum því að vinna við slíkar aðstæður.
Við krefjumst þess að tekið sé fastar á ofbeldi og áreitni á vinnustöðum okkar. Við skorum einnig á starfsmenn fjölmiðla, stéttarfélög fjölmiðlafólks og sérstaklega yfirmenn Sýnar og annarra fjölmiðla að fylgja eftir fögrum fyrirheitum #MeToo og sýna í verki að þegar ofbeldi og ógnandi hegðun er beitt „kastast ekki í kekki” milli fólks, heldur ber ofbeldismaðurinn einn ábyrgð á sinni hegðun.
Undir yfirlýsinguna skrifa:
Sigríður Hagalín Björnsdóttir, RÚV
Sunna Valgerðardóttir, RÚV
Ingibjörg Rósa Björnsdóttir, sjálfstætt starfandi blaðakona
Kristjana Arnarsdóttir, íþróttafréttakona á RÚV
Þórhildur Þorkelsdóttir, RÚV
Bára Huld Beck, Kjarninn
Alma Ómarsdóttir, RÚV
Ólöf Ragnarsdóttir, RÚV
Margrét Erla Maack, Kjarninn, áður RÚV og 365.
María Lilja Þrastardóttir, sjálfstætt starfandi blaðakona
María Björk Guðmundsdóttir, RUV
Þórgunnur Oddsdóttir, RÚV
Auður Ösp Guðmundsdóttir, DV
Lovísa Árnadóttir, fv. íþróttafréttakona á RÚV
Milla Ósk Magnúsdóttir, RÚV
Eva Björk Ægisdóttir, sjálfstætt starfandi ljósmyndari
Ásdís Ólafsdóttir, fyrrum dagskrárgerðarmaður á RÚV
Ragnheiður Thorsteinsson, RÚV
Rannveig Jónína Guðmundsdóttir, Víkurfréttir
Lilja Katrín Gunnarsdóttir, Mannlíf og sjálfstætt starfandi
Viktoría Hermannsdóttir, RÚV
Gunnþórunnn Jónsdóttir, Fréttablaðinu
Snærós Sindradóttir, RÚV
Júlía Margrét Alexandersdóttir, Morgunblaðinu
Lára Ómarsdóttir, RÚV
Olga Björt Þórðardóttir, ritstjóri Fjarðarpóstsins
Ragnhildur Thorlacius, RÚV
Erla María Markúsdóttir, mbl.is
Anna Margrét Gunnarsdóttir, fyrrum blaðamaður á Nýju Lífi, Birtíngi
Sigríður Pétursdóttir, lausapenni hjá RÚV og fleiri fjölmiðlum
Ragnhildur Ásvaldsdóttir, sjálfstætt starfandi við dagskrárgerð
Vera Illugadóttir, RÚV
Aníta Estíva Harðardóttir, DV
Ragnhildur Aðalsteinsdóttir, Mannlífi
Kristborg Bóel, Austurglugganum og Austurfrétt
Ingibjörg Dögg Kjartansdóttir, ritstjóri Stundarinnar
Sara Sjöfn Grettisdóttir, ritstjóri Eyjafrétta
Anna Marsibil Clausen, sjálfstætt starfandi
Ragna Gestsdóttir DV
Þorgerður Anna Gunnarsdóttir, mbl.is
Erla Hjördís Gunnarsdóttir, Bændablaðið
Erla Karlsdóttir, fyrrum blaðakona á DV
Brynhildur Björnsdóttir
Þórhildur Ólafsdóttir, RÚV
Þorgerður E. Sigurðardóttir, RÚV
Silja Ástþórsdóttir, fyrrverandi umbrotskona á Stundinni og fyrrum yfirhönnuður Fréttablaðsins
Birna Pétursdóttir
Anna Gyða Sigurgísladóttir, RÚV
Halla Þórlaug Óskarsdóttir, RÚV
Anna Lilja Þórisdóttir, Morgunblaðið
Lára Theódóra Kristjánsdóttir
Fanney Birna Jónsdóttir, Kjarninn og RÚV
Jóhanna Sveinsdóttir
Sigríður Elín Ásmundsdóttir
Áslaug Guðrúnardóttir, fyrrverandi fréttamaður RÚV
Anna Margrét Björnsson, mbl.is
Dagný Hulda Erlendsdóttir, RÚV
Kolbrún Björnsdóttir
Björg Magnúsdóttir, RÚV
Sigyn Blöndal, RÚV
Áslaug Karen Jóhannsdóttir
Ellen Ragnarsdóttir, Morgunblaðið
Ásdís Ásgeirsdóttir
Lovísa Arnardóttir, Fréttablaðinu
Kristborg Bóel – Austurglugganum og Austurfrétt
Lára Hanna Einarsdóttir, sjálfstætt starfandi
Ástríður Viðarsdóttir, fyrrum blaðamaður mbl.is
Þóra Tómasdóttir
Steinunn Stefánsdóttir, fv. aðstoðarritstjóri á Fréttablaðinu
Erla Tryggvadóttir, fyrrv. starfsmaður RÚV
María Erla Kjartansdóttir, Birtíngi
Kolbrún Björnsdóttir
Inga Lind Vigfúsdóttir, RÚV
Auður Albertsdóttir, fyrrv. blaðamaður mbl.is
Gyða Lóa Ólafsdóttir, fyrrum blaðamaður Fréttablaðinu.
Sigrún Erla Sigurðardóttir
Halla Ólafsdóttir, RÚV
Marta Goðadóttir, áður Nýtt líf.
Elísabet Indra Ragnarsdóttir, dagskrárgerðarkona
Birta Björnsdóttir, RÚV
Bergljót Baldursdóttir, fréttamaður RÚV
Ásrún Brynja Ingvarsdóttir – RÚV
Elín Sveinsdóttir -RÚV
Erna Kettler, RÚV
Helga Kristjáns, Vikan
Þórdís Arnljótsdóttir, RÚV
Jórunn Sigurðardóttir, RÚV
Elísabet Hall, fyrrverandi framleiðandi hjá 365
Anna Brynja Baldursdóttir, fyrrum blaðakona Nýs Lífs og Vikunnar
Hjördís Rut Sigurjónsdóttir, fyrrum fjölmiðlakona
Guðrún Sóley Gestsdóttir, RÚV
Margrét Marteinsdòttir, fyrrverandi fréttakona á RÙV
Ingveldur G. Ólafsdóttir, fyrrum starfsmaður RÚV og nú lausastúlka
María Sigrún Hilmarsdóttir, RÚV
Arnhildur Hálfdánardóttir, RÚV
Helga Arnardóttir, dagskrárgerðarkona á RÚV
Rósa Jóhannsdóttir, ljósmyndari
Halla Gunnarsdóttir, fyrrum þingfréttaritari Morgunblaðsins
Brynja Þorgeirsdóttir, RÚV
Arndís Björk Ásgeirsdóttir, RÚV
Sjöfn Þórðardóttir, verkefnastjóri
Inga Lind Karlsdóttir
