Samsung er engin undantekning á þessu og ráðleggur fyrirtækið eigendum Galaxy-síma að endurræsa þá reglulega, mjög gjarnan daglega. Þetta kemur fram í leiðbeiningum frá Samsung þar sem segir að sjálfvirk endurræsing sé aðferð til að tryggja að síminn virki á sem bestan hátt.
Þessar leiðbeiningar snúa fyrst og fremst að frammistöðu símanna. Þegar það hefur verið kveikt á þeim lengi, geta öpp og önnur forrit látið stjórnkerfið vinna hægar.
Endurræsing hreinsar vinnsluminni símans, lokar virkum vinnuferlum og startar kerfinu á nýjan leik. Samsung segir þetta vera lausn sem geti virkað þegar Galaxy-símar virðast hægir eða frjósa.
Bandaríska leyniþjónustan NSA segir í opinberum ráðleggingum um farsímaöryggi að regluleg endurræsing geti verið góð venja. Ástæðan er að ákveðnar veirur geta aðeins lifað í skammtímaminni símans og eyðast því þegar hann er endurræstur. NSA segir að endurræsing veiti ekki fulla vörn en sé mikilvægt skref sem geti gert tölvuþrjótum erfiðara fyrir.
