Rannsóknin, sem hefur verið birt í vísindaritinu Molecular Ecology, fór fram á lítilli eyju í Kyrrahafi þar sem ákveðin fuglategund lifir einangruð frá umheiminum.
Vísindamennirnir gátu fylgst með fuglunum allt líf þeirra og aflað gagna um hegðun þeirra og heilsufar.
Örverulífið í þörmunum byggist á bakteríum sem eru mikilvægar fyrir meltinguna og ónæmiskerfið.
Í rannsókninni beindu vísindamennirnir sjónum sínum aðallega að bakteríum sem geta ekki lifað utan líkamans. Til að þessar bakteríur geti borist á milli einstaklinga þurfa þeir að vera mjög nálægt hver öðrum.
Rannsóknin sýndi fram á að þarmabakteríuflóra fugla, sem voru mikið saman, var mjög svipuð.
Fyrri rannsóknir hafa sýnt fram á að örveruflóra fólks sem býr saman er oft svipuð.
Nýja rannsóknin bendir til að það sé ekki eingöngu vegna umhverfisáhrifa á borð við mataræði og húsnæði. Félagsleg samskipti virðast skipta miklu máli. Náin samvera og dagleg samskipti geta haft áhrif á jafnvægið í líkamanum eftir því sem segir í umfjöllun SciTechDaily.
