Oliver Glasner, stjóri Crystal Palace, segir að liðið verði að fá sóknarmann í janúarglugganum þar sem hópurinn verði veikur án Ismaila Sarr.

Sarr, sem hefur skorað þrjú mörk í ensku úrvalsdeildinni á tímabilinu, fer í desember til að spila með Senegal á Afríkukeppninni og gæti verið fjarverandi fram yfir 18. janúar.

Á meðan mun Palace bæði halda áfram í Sambandsdeildinni, hefja titilvörn sína í FA-bikarnum og spila í deildinni.

Þegar Glasner var spurður hvort félagið þyrfti að fá sóknarmann í janúar svaraði hann ákveðið.

„Ég held að við þurfum þess. Ismaila fer frá okkur og hann er eini leikmaðurinn sem hleypur stöðugt í bakið á varnarlínum,“ sagði Glasner.

„Við þurfum aftur leikmann með þetta prófíl, því þeir sem við höfum á bekknum eru allt öðruvísi gerðir. Við þurfum leikmenn sem teygja á vörninni.

„Ég vona að þetta takist. Er þetta lykilatriði til að vera samkeppnishæfir? Já. Þarf ég smá hjálp með einn eða tvo inn? Já.“