Spænski leikarinn Antonio Banderas er greindur með Covid-19 samkvæmt Sky News. Antonio, sem fagnar 60 ára afmæli sínu í dag, greindi frá þessu á Twitter.
Antonio skrifar að hann þurfi að fagna sextugs afmælinu sínu í einangrun. Hann segir jafnframt frá því að honum líði vel en sé aðeins þreyttari en venjulega. Hann er viss um að hann muni jafna sig fljótt. Leikarinn ætlar að nýta tímann í einangrun til að lesa, skrifa, hvílast og halda áfram að gefa síðastliðnum 60 árum merkingu.
Quiero contaros lo siguiente… pic.twitter.com/u579iBVLM0
— Antonio Banderas (@antoniobanderas) August 10, 2020
Antonio Banderas er meðal annars þekktur fyrir leik sinn í kvikmyndunum The Mask of Zorro, Genius og Pain and Glory.
Banderas er ekki eini þekkti leikarinn sem hefur greinst jákvæður af Covid-19. Þann 11. mars tilkynni Tom Hanks að hann og eiginkona hans, Rita Wilson, væru smituð af Covid-19. Einnig hafa Idris Elba og Daniel Dae Kim greinst með veiruna.