Hinn virti blaðamaður, Bjarni Helgason á Morgunblaðinu skrifar skemmtilegan pistil í blað dagsins. Þar fer hann yfir ást sína á enska knattspyrnufélaginu, Liverpool og þeim vonbrigðum sem geta komið upp þegar ástin á félaginu er mikil.

Stuðningsmenn Liverpool hafa upplifað frábær ár en nú virðist liðið þeirra vera í krísu, Liverpool tapaði sínum fjórða heimaleik í röð um helgina er liðið mætti grönnum sínum í Everton.

„Af hverju ger­ir maður sjálf­um sér það, ár eft­ir ár, að bera taug­ar til liðs í ensku úr­vals­deild­inni? Ég hef haldið með Li­verpool frá því ég man eft­ir mér og það er vissu­lega erfiðara í dag en oft áður. Kannski er maður of góðu van­ur eft­ir al­mennt dek­ur frá læri­svein­um Jür­gens Klopps und­an­far­in þrjú tíma­bil,“ skrifar Bjarni í Morgunblað dagsins.

Bjarni segir að félög fari mikinn á samfélagsmiðlum fyrir leiki og það fór í taugarnar á honu um helgina. „ Sam­fé­lags­miðlar eru í aðal­hlut­verki hjá knatt­spyrnu­fé­lög­um í dag og hjá Li­verpool FC er það ekk­ert öðru­vísi. Þar á bæ byrja menn að hita upp fyr­ir leiki vik­unn­ar þrem­ur til tveim­ur dög­um fyr­ir leik­dag. Þar spila menn mynd­bandsklipp­ur af frækn­um sigr­um, stór­kost­leg­um markvörsl­um og varn­ar­leik, og auðvitað frá­bær­um sókn­ar­leik.“

„Eft­ir leik­inn gegn Evert­on fékk ég nóg og sendi fé­lag­inu tölvu­póst. Ég bað þá vin­sam­leg­ast um að hætta þess­ari ei­lífðar­upp­hit­un frá „dá­semd­ar­dög­un­um“ og birta frek­ar mynd­bönd af ein­hverj­um eld­göml­um 7:0-töp­um svo maður gæti í það minnsta sett sig í stell­ing­ar fyr­ir það sem koma skyldi. Ég hef ekki fengið neitt svar enn þá,“ skrifar Bjarni í Morgunblaðið.

Eftir að Gylfi Þór Sigurðsson skoraði seinna mark Everton fékk Bjarni nóg „Ég slökkti samt á sjón­varp­inu um helg­ina og leyfði drengn­um að halda áfram að horfa á Bubbi bygg­ir, eft­ir að Evert­on fékk víta­spyrnu und­ir lok leiks­ins. Það eru alla vega þroska­merki, áfram gakk.“