Enska knattspyrnusambandið er að undirbúa það að reka mann að nafni Craig Mitchell úr starfi.
Frá þessu greinir the Daily Telegraph en Mitchell hefur ferðast með enska landsliðinu og séð um YouTube rás liðsins.
Þar hefur hann tekið viðtöl við ófáa leikmenn og spilar með þeim skemmtilega leiki af og til.
Mitchell er einnig starfsmaður the BBC en hann komst í fréttirnar í nóvember.
Mitchell var áður einn af umsjónarmönnum YouTube rásarinnar Filthy Fellas þar sem talað var gróflega um lið á Englandi og var stutt í grínið.
Fyrir fimm árum sagði Mitchell að Liverpool borg væri skítastaður og að fólk þar vissi ekki hvað það þýddi að vera í vinnu.
Hann var fljótur að biðjast afsökunar á einhverju sem gerðist fyrir fimm árum en enska sambandið getur ekki hundsað ummælin.