Robin van Persie, hefur sent fyrrum samherja sínum Per Mertesacker væna pillu.
Mertesacker gaf nýlega út bók þar sem hann gagnrýndi Arsene Wenger, fyrrum stjóra Arsenal.
Mertesacker gagnrýndi Wenger fyrir að hafa oft of mikla trú á hópnum sínum og að þess vegna hefði hann ekki unnið fleiri bikara á seinni árunum.
Van Persie er alls ekki sammála þessum ummælum Mertesacker og sagði sína skoðun á málinu.
,,Margir fyrrum leikmenn eru að skrifa bækur, það er í tísku að gera það en ég mun ekki gera það sama,“ sagði Van Persie.
,,Hann má hafa sína skoðun en ég ætla ekki að blanda mér of mikið í það. Hann má hugsa það sem hann vill.“
,,Ég vann með Wenger í átta ár og hann gaf mér tækifæri. Hann var alltaf tilbúinn að ræða við mig um lífið. Hann var frábær þjálfari.“
,,Sumir vilja dæma hann bara á bikurum. Per er að reyna að finna ástæðu. Hann má segja það sem hann vill.“