Jose Mourinho, nýr stjóri Tottenham, fékk skilaboð frá Ed Woodward á dögunum en þeir unnu saman hjá Manchester United.
Samband þeirra var ekki frábært á Old Trafford en Woodward sendi honum skilaboð eftir fréttir vikunnar.
,,Ég fékk skilaboð frá öllum, alls staðar. Kannski get ég beðist afsökunar á að svara ekki 500 af þeim, ég gat það ekki,“ sagði Mourinho.
,,Ég fékk 700 skilaboð en gat bara svarað 200. Það var áhugavert að sjá virðinguna frá mínu fyrrum félagi. Það var gaman.“
,,Þau voru öll sérstök. Það fyrsta var frá Richard Arnold. Þriðju, fjórðu og fimmtu skilaboðin komu frá Ed Woodward. Þeir voru yfirmennirnir mínir.“