Charlie Austin, leikmaður Southampton, er reiður og ósáttur hjá félaginu þessa stundina.
Austin er þrítugur framherji en hann er ekki inni í myndinni hjá Ralph Hasenhuttl, stjóra liðsins.
Austin gagnrýndi þýska stjórann á dögunum en hann ferðaðist ekki með Southampton í æfingaferð á undirbúningstímabilinu.
Austin ræddi við liðsfélaga sína hjá Southampton og hraunaði þar yfir Hasenhuttl sem tók við á síðustu leiktíð.
,,Við höfum aldrei séð neitt þessu líkt,“ er haft eftir leikmanni Southampton sem hlustaði á ræðu Austin.
Austin vill meina að Hasenhuttl hafi sýnt sér mikla óvirðingu en ljóst er að hann á enga framtíð fyrir sér hjá félaginu.