Mats Hummels, varnarmaður Bayern Munchen, var eitt sinn talinn einn öflugasti hafsent heims.
Hummels var fenginn til Bayern frá Borussia Dortmund en hann hafði spilað þar við mjög góðan orðstír.
Hann svaraði spurningu aðdáanda á Twitter í dag en hann var spurður að því hvort Virgil van Dijk væri besti miðvörður heims í dag.
Hummels var ekki að flækja hlutina og var svar hans stutt og laggot: ,,Já,“ sagði Þjóðverjinn.
Van Dijk spilar með Liverpool á Englandi og hefur styrkt vörn liðsins mikið síðan hann samdi á síðasta ári.
Hollendingurinn var áður á mála hjá Celtic og svo Southampton áður en hann tók skrefið til Liverpool.
— Mats Hummels (@matshummels) 12 January 2019