Knattspyrnugoðsögnin Kevin Keegan hefur greinst með fjórða stigs krabbamein

Þessi 75 ára gamli fyrrum landsliðsfyrirliði og landsliðsþjálfari Englands greindi sjálfur frá þessu á viðburði í Newcastle, þar sem hann fékk hlýjar móttökur frá stuðningsmönnum.

Keegan sagði að krabbameinið hefði fundist fyrir tilviljun við rannsóknir eftir bílslys. Hann hefur verið í meðferð undanfarna mánuði og sagðist hafa fengið að heyra frá lækni sínum að ný meðferð bæri um 33 prósenta árangur.

Keegan er einn besti leikmaður og þjálfari í sögu Newcastle. Félagið sendi frá sér stuðningsyfirlýsingu eftir að fréttirnar bárust og óskaði honum og fjölskyldu hans alls hins besta í baráttunni fram undan.