Rafael Leao gæti verið á leið í ensku úrvalsdeildina í sumar eftir að hafa ákveðið að yfirgefa AC Milan.
Samkvæmt spænskum miðlum hafa Liverpool og Chelsea nú bæst í hóp félaga sem hafa áhuga á portúgalska landsliðsmanninum, en Manchester United hefur einnig verið orðað við hann.
Leao, sem er 26 ára, getur leikið á báðum köntum og í fremstu víglínu. Hann átti þátt í 13 mörkum Milan á nýliðnu tímabili.
Margir telja að hann henti ensku úrvalsdeildinni vel, enda áhugi á honum þaðan.
