Helgi Fannar og Hörður Snævar fóru yfir það helsta í Íþróttavikunni á 433.is.

Ægir vann afar óvæntan 1-2 sigur á KA í 16-liða úrslitum Mjólkurbikarsins. Liðið hafði fram að leik tapað öllum þremur leikjum sínum í Lengjudeildinni.

„Þetta er bara stórkostlegur sigur fyrir Ægi og væntanlega sá stærsti í þeirra knattspyrnusögu,“ sagði Hörður.

„Þetta er geðveikt hjá Nenad sem er auðvitað bara frábær þjálfari og hefur gert mjög góða hluti í mörg ár.

Þetta gefur þeim vonandi innspýtingu í deildina, sem hefur byrjað erfiðlega fyrir þá.“

Þeir töldu að skort hafi upp á hugarfar hjá liði KA.

„Vanmat er eitur. Ef það er eitthvað vanmat í nokkrum er fótboltinn bara þannig að lið í Lengjudeild eru í toppformi og ganga á lagið,“ sagði Hörður.