Helgi Fannar og Hörður Snævar fóru yfir það helsta í Íþróttavikunni á 433.is.
Tottenham er í hörkufallbaráttu í ensku úrvalsdeildinni en er í bílstjórasætinu í baráttunni við West Ham sem stendur. Liðið mætir Chelsea í næsta leik og svo Everton.
„Það er talað um að Chelsea vilji fella Tottenham. Þetta er hópur fullur af málaliðum þarna í Chelsea sem er ekki að spá í neinu öðru en að vera með föst laun næstu átta árin á einhverjum glórulausum samningum,“ sagði Hörður hins vegar.
„Það liggur við að þessi Everton-leikur verði erfiðari fyrir þá,“ sagði Helgi.
