Celtic og Hearts spila hreinan úrslitaleik um Skotlandsmeistaratitilinn á morgun.

Hearts er með eins stigs forskot og dugir jafntefli til að verða fyrsta liðið fyrir utan Celtic og Rangers til að vinna titilinn síðan 1985. Celtic hefur unnið 13 af síðustu 14 tímabilum.

Tómas Bent Magnússon er á mála hjá Hearts og var kominn í lykilhlutverk á tímabilinu, en hefur því miður verið frá vegna meiðsla síðustu vikur og missir af leiknum á morgun.

Celtic er á heimavelli og þykir sigurstranglegri aðilinn á morgun en stuðningsmenn Hearts leyfa sér að dreyma. Leikurinn hefst klukkan 11:30 að íslenskum tíma.