Arsenal hefur verið leiðandi í þróun kvennaknattspyrnu um árabil og sýnir það sig á mætingu á völlinn á yfirstandandi leiktíð.
Skytturnar hafa ekki unnið deildina síðan 2019 og tekst það ekki í ár, en Manchester City er búið að tryggja sér titilinn. Liðið varð hins vegar Evrópumeistari í fyrra.
Arsenal gerði Emirates Stadium, sem hefur verið heimavöllur karlaliðsins síðan 2006, að opinberum heimavelli kvennaliðsins fyrir þetta tímabil einnig og það skilaði sér í góðri mætingu.
Mættu að meðaltali tæplega 35 þúsund manns á heimaleiki liðsins í deildinni á þessari leiktíð, sem er tvöfalt meira en hjá næsta liði, Chelsea. Þá er þetta betri mæting en á átta leikvanga í úrvalsdeildinni karlamegin.
Arsenal Women have averaged crowds of 34,677 across their 10 league matches at the Emirates this season 🔥
That attendance figure would place them 13th across English football – higher than eight current Premier League clubs 🤯👏 pic.twitter.com/TUvddY4Ci3
— ESPN UK (@ESPNUK) May 14, 2026
