Tottenham Hotspur er að skoða möguleikann á að fá markvörðinn James Trafford frá Manchester City.

Trafford, sem er 23 ára og einnig landsliðsmaður Englands, er sagður vera á radar hjá Spurs sem mögulegur arftaki Guglielmo Vicario. Vicario gæti verið á förum frá félaginu, en Inter Milan hefur sýnt honum áhuga.

Tottenham er því þegar farið að undirbúa sig fyrir mögulegar breytingar í markvarðarstöðunni fyrir næsta tímabil. Trafford er talinn efnilegur kostur og hefur verið að stíga sín fyrstu skref á hæsta stigi.

Vicario hefur staðið sig vel síðan hann kom til félagsins, en áhugi frá stórliði á borð við Inter gæti haft áhrif á framtíð hans í London.

City keypti Trafford síðasta sumar frá Burnley en hann ólst upp hjá félaginu, hann er hins vegar mest megnis á bekknum og gæti því viljað fara.