Faustino Asprilla er fyrrverandi knattspyrnumaður sem var heldur betur skrautlegur. The Upshot tók saman furðusögur frá ferli hans.

Þessi fyrrum kólumbíski landsliðsmaður er í dag 56 ára gamall en hann lék með Newcastle frá 1996-1998.

Asprilla kom frá Parma og byrjaði á grannaslag gegn Middlesbrough. Hann bjóst ekki við að spila svo hann fékk sér vel af rauðvíni í liðsrútunni. Honum að óvörum var hann settur inn á sem varamaður en hann lagði upp mark í fyrsta leik með frábærum tilþrifum.

Það eru margar magnaðar sögur af Asprilla frá tímanum í Newcastle. Þar var lífstíll hans ekki beint atvinnumanni í knattspyrnu sæmandi. Þá spilaði hann einhvern tímann klámmyndir í liðsrútunni og kom öllum í opna skjöldu, auk þess sem hann djammaði mikið.

Um hæfileika Asprilla gat þó enginn deilt. Hann skoraði eitt sinn þrennu gegn Barcelona í óvæntum sigri í Meistaradeildinni. Hann fagnaði með því að fá stelpur heim í íbúð sína þar sem þau stunduðu hópkynlíf.

Síðar á ferlinum var Asprilla á mála hjá Universidad de Chile um skeið og mætti hann eitt sinn með byssu á æfingu þegar hann var ósáttur við liðsfélaga sína. Hreint magnaður.

Skrautlegum athæfum Asprilla lauk ekki með ferli hans. Eftir ferilinn sat hann til að mynda fyrir allsnakinn í eitt skiptið.