Aaron Ramsey, fyrrum leikmaður Arsenal, hefur lagt skóna á hilluna, 35 ára að aldri.

Miðjumaðurinn, sem var síðast á mála hjá Pumas UNAM í Mexíkó, er nú sagður ætla að hella sér út í þjálfun.

Ramsey er einn besti leikmaður í sögu velska landsliðsins, en hann skoraði til að mynda 21 mark í 86 landsleikjum.

Hann átti stóran þátt í því að liðið komst í undanúrslit EM árið 2016, auk þess sem hann lék á mótinu fimm árum síðar og á HM í Katar 2022.

Ramsey hóf ferilinn hjá Cardiff en sló í gegn hjá Arsenal, þar sem hann vann enska bikarinn þrisvar sinnum.

Hann lék einnig með Juventus, Nice, Rangers og Nottingham Forest á ferlinum.