Steven Gerrard hefur gagnrýnt ummæli Virgil van Dijk eftir 4-0 tap Liverpool gegn Manchester City í FA-bikarnum.

Van Dijk viðurkenndi eftir leikinn að liðið hefði á ákveðnum tímapunkti gefist upp, sem Gerrard segir vera áhyggjuefni. „Það er ekki bara frammistaðan sem veldur áhyggjum, heldur líka það sem leikmenn segja eftir leik,“ sagði Gerrard.

Hann benti á að Liverpool hefði fengið sín færi en ekki nýtt þau, á meðan City refsaði þeim grimmt, meðal annars með þrennu frá Erling Haaland.

„Að tala um að liðið hafi ekki barist eða gefist upp á ekki að gerast hjá Liverpool,  hvorki inni á vellinum né utan hans,“ bætti Gerrard við.

Van Dijk útskýrði að liðið hafi farið inn í seinni hálfleik með það markmið að minnka muninn, en í staðinn lent 3-0 undir á skömmum tíma.

Hann viðurkenndi að staðan væri andlega erfið fyrir liðið um þessar mundir.