Dagný Brynjarsdóttir, landsliðskona í knattspyrnu og fyrrum leikmaður West Ham hefur komið með ákall til þeirra sem lýsa leikjum í enska boltanum.

Ástæðan er sú að sjö ára sonur hennar er orðin pirraður á því að hlusta á það hvernig nafn, Jarrod Bowen er borið fram í íslensku sjónvarpi.

Bowen er besti leikmaður West Ham og fyrirliði liðsins.

Getur einhver komið því áleiðis til íslenskra commentators að nafnið á fyrirliða West Ham er borið fram sem BÁWEN en ekki Booowen. Þetta fer í taugarnar á 7 ára syni mínum. Takk fyrir ⚒️

— Dagný Brynjarsdóttir (@dagnybrynjars) April 7, 2026

„Getur einhver komið því áleiðis til íslenskra commentators að nafnið á fyrirliða West Ham er borið fram sem BÁWEN en ekki Booowen. Þetta fer í taugarnar á 7 ára syni mínum. Takk fyrir,“ skrifar Dagný á X-ið í dag.

Dagný var afar vel liðin í herbúðum West Ham þar sem hún lék í fjögur ár, hún yfirgaf félagið síðasta sumar.

Gunnar Ormslev, einn fremsti íþróttalýsandi landsins tekur þessi skilaboð Dagnýjar til sín. „Ég skal amk hafa þetta hugfast í næsta leik hamrana!,“ skrifar Gunnar í svari til Dagnýjar.