

Bandaríska leikkonan Sydney Sweeney segir að uppáhalds fótboltamaður hennar sé Cristiano Ronaldo.
Sweeney vakti mikla athygli um helgina þegar myndband fór í dreifingu þar sem hún sýndi tilþrif með bolta eftir 3-0 sigur Sporting á Estoril í Portúgal. Þar sást hún spila með leikurunum Leo Woodall og Matthew Goode.
Sydney Sweeney no campo de Alvalade a jogar á bola! pic.twitter.com/ZODYAAN0Co
— Task (@ImRealTask) February 27, 2026
Í heimsókn sinni til Lissabon upplýsti hún einnig hver væri hennar uppáhalds leikmaður.
„Cristiano Ronaldo er minn uppáhalds fótboltamaður,“ sagði hún og bætti við að ef hún væri sjálf atvinnumaður í fótbolta myndi hún líta til hans sem fyrirmyndar.
Ronaldo hóf atvinnuferil sinn hjá Sporting áður en hann lék meðal annars með Manchester United, Real Madrid og Juventus. Nú spilar hann með Al-Nassr, þar sem hann hefur skorað yfir hundrað mörk síðan hann gekk til liðs við félagið.
Hér að ofan má sjá umrætt myndband af Sweeney.