Pep Guardiola, stjóri Manchester City, segir lið þurfa að aðlagast aukinni áherslu á föst leikatriði í ensku úrvalsdeildinni.
Einhverjir hafa gagnrýnt þessa þróun og margir nefna Arsenal í tengslum við það. Arne Slot, stjóri Liverpool, sagði þróunina til að mynda taka gleðina úr fótboltanum.
„Þú getur kvartað, en þú verður að aðlagast. Þetta er hluti af leiknum,“ sagði Guardiola og bætti við að fjölbreyttir leikstílar væru einmitt það sem gerði fótboltann áhugaverðan.
City hefur unnið sex leiki í röð í öllum keppnum og er fimm stigum á eftir Arsenal í ensku úrvalsdeildinni, með leik til góða.
