Hull City hefur staðfest að Sorba Thomas hafi sloppið ómeiddur úr alvarlegu umferðarslysi nálægt æfingasvæði félagsins.
Myndir af bíl leikmannsins fóru í mikla dreifingu á samfélagsmiðlum en þar mátti sjá gráan Land Rover Defender liggja á þakinu á íbúðargötu.
„Hull City er fegið að geta staðfest að Sorba Thomas sé ómeiddur eftir umferðarslys nálægt æfingasvæði félagsins í Cottingham,“ sagði í yfirlýsingu frá félaginu.
Mynd
Hull bætti við að Thomas hefði ekki orðið fyrir neinum meiðslum og komist algjörlega óskaddaður út úr bílnum.
Thomas, sem er 27 ára landsliðsmaður Wales, gekk til liðs við Hull í sumar frá Stoke City fyrir um tíu milljónir punda.
