Liverpool og Manchester City býðst að semja við Dani Carvajal, fyrrum leikmann Real Madrid til margra ára.
Teamtalk heldur þessu fram, en hægri bakvörðurinn reynslumikli varð samningslaus á Spáni í sumar og má því semja við nýtt félag þó svo að félagaskiptaglugganum hafi verið lokað.
Jeremie Frimpong hefur fengið mikla gagnrýni í stöðu hægri bakvarðar hjá Liverpool og gæti félagið því skoðað þennan möguleika, en sem fyrr segir er City einnig inni í myndinni.
Hinn 34 ára gamli Carvajal vann Meistaradeildina sex sinnum og varð Spánarmeistari fjórum sinnum á tíma sínum í Madríd.
