Sænska félagið Djurgarden hefur keypt Abdul Abdulmalik frá Boreham Wood og er hann nú dýrasti leikmaður í sögu ensku utandeildarinnar (National League).
Djurgarden greiðir 1,5 milljónir punda fyrir sóknarmanninn og upphæðin getur hækkað með árangurstengdum greiðslum. Boreham Wood tryggði sér einnig hluta af næstu sölu.
Mynd
Þar með fellur 14 ára gamalt met Jamie Vardy, en Leicester greiddi Fleetwood eina milljón punda fyrir hann árið 2012.
Abdulmalik, sem er uppalinn hjá Millwall, sló í gegn á síðasta tímabili. Hann skoraði 17 mörk og lagði upp tíu þegar Boreham Wood fór alla leið í úrslitaleik umspilsins um sæti í D-deildinni.
Boreham Wood hafði áður hafnað háfum tilboðum í Abdulmalik í sumar. Hann þrýsti í kjölfarið á félagaskipti.
