Stjarnan vann verðskuldaðan sigur á nágrönnum sínum í Breiðabliki í Bestu deild karla í kvöld.
Garðbæingar voru mun sterkari í fyrri hálfleik og leiddu eftir hann, 0-2. Mörkin gerðu Guðmundur Kristjánsson og Birnir Snær Ingason.
Blikar komu sterkari út í seinni hálfleik en forysta gestanna var þó aldrei í hættu og meira var ekki skorað.
Stjarnan er í sjöunda sæti með 27 stig og getur farið upp í efri helming deildarinnar í lokaumferð fyrir tvískiptingu.
Breiðablik er í fjórða sæti með 30 stig.
