Patrick Vieira hefur verið ráðinn nýr landsliðsþjálfari Senegal.
Fabrizio Romano greinir frá því að samkomulag hafi náðst og að Vieira taki við starfinu þegar í stað.
Frakkinn, sem á glæsilegan feril að baki sem leikmaður, hefur á undanförnum árum starfað sem knattspyrnustjóri og stýrt meðal annars Crystal Palace og Strasbourg.
Vieira tekur nú við einu sterkasta landsliði Afríku og verður verkefni hans að byggja ofan á þann árangur sem Senegal hefur náð undanfarin ár.
Senegal hefur yfir að ráða fjölda leikmanna sem leika í sterkustu deildum Evrópu og miklar væntingar verða því gerðar til Vieira.
Samkvæmt Romano er ráðningin frágengin og mun Vieira hefja störf strax við undirbúning næstu verkefna landsliðsins.
