Barcelona skoðar þann möguleika að fá Ayoze Perez, framherja Villarreal, takist félaginu ekki að kaupa Julian Alvarez frá Atletico Madrid.
Samkvæmt katalónska miðlinum Sport er Alvarez áfram efstur á óskalista Barcelona en Atletico vill ekki selja Argentínumanninn. Félagið hafnaði meðal annars 130 milljóna punda tilboði Real Madrid fyrr í sumar.
Barcelona þarf að styrkja framlínuna eftir að Ferran Torres fór til Paris Saint-Germain og Robert Lewandowski til Bandaríkjanna. Viktor Gyökeres hjá Arsenal hefur einnig verið nefndur í þeim efnum en nú er Perez sagður ofarlega á lista.
Perez er 33 ára og skoraði fimm mörk í 25 leikjum fyrir Villarreal á síðustu leiktíð. Aðdáendur enska boltans þekkja hann vel eftir að hann spilaði um árabil með Newcastle og Leicester.
Kaup á Perez yrðu töluvert ódýrari kostur fyrir Barcelona en Alvarez, en Spánarmeistararnir vonast enn til að klófesta þann síðarnefnda áður en félagaskiptaglugganum verður lokað.
