FH hefur staðfest brottför Ídu Marínar Hermannsdóttur til sænska félagsins Hammarby.
Ída hefur verið frábær fyrir FH frá því hún kom frá Val fyrir tímabilið 2024. Á þeim tíma hefur hún til að mynda unnið sér inn sæti í íslenska landsliðinu.
Ída lék sinn síðasta leik fyrir FH í 0-3 tapi í toppslag Bestu deildarinnar gegn Breiðabliki um helgina.
Hammarby er í öðru sæti sænsku efstu deildarinnar. Með liðinu leikur einnig önnur landsliðskona, Guðrún Arnardóttir.
