Mohamed Salah er orðinn launahæsti knattspyrnumaður Tyrklands eftir félagaskiptin til Trabzonspor.
Samkvæmt TEAMtalk hefur egypski framherjinn samþykkt samning sem tryggir honum 23 milljónir evra í árslaun. Það jafngildir um 375 þúsund pundum á viku fyrir skatta og er hærri upphæð en Victor Osimhen fær hjá Galatasaray, en hann hefur verið tekjuhæsti leikmaður deildarinnar með 18 milljónir evra á ári.
Samningur Salah er þó enn verðmætari en grunnlaunin gefa til kynna. Hann inniheldur árangurstengdar bónusgreiðslur, ýmsa viðskiptalega hvata og 25 prósenta hlutdeild í sölu á varningi sem tengist nafni hans.
Samkvæmt heimildum gerir það samninginn að einum þeim stærsta sem sést hefur í sögu tyrknesku úrvalsdeildarinnar og jafnframt tekjuhæsta samningi á ferli Salah, en hann þénaði einnig gífurlegar upphæðir hjá Liverpool.
Komu Salah er ætlað að styrkja stöðu Trabzonspor verulega fyrir komandi tímabil.
