Atlético Madrid hefur áhuga á að fá Jack Grealish frá Manchester City, samkvæmt enskum blöðum.
Diego Simeone er sagður kunna vel að meta vinnuframlag enska landsliðsmannsins, bæði með og án bolta, og telja forráðamenn Atlético að hann gæti fallið vel inn í leikstíl liðsins.
Það eru þó ýmsar hindranir í vegi félagaskiptanna. Atlético hefur þegar styrkt sóknarlínu sína í sumar og hefur yfir að ráða leikmönnum á borð við Lee Kang-In, Alex Baena, Thiago Almada og Ademola Lookman. Grealish þyrfti því líklega að sætta sig við snúningshlutverk.
Hinn 30 ára gamli kantmaður hefur ekki spilað keppnisleik síðan í janúar þegar hann meiddist á fæti í lánsdvöl hjá Everton. Hann er nú kominn aftur til æfinga en var ekki valinn í æfingaferð Manchester City til Asíu.
Takist ekki að semja við Atlético gæti Grealish einnig snúið aftur til Everton, þar sem hann stóð sig vel á láni á síðustu leiktíð.
