Chelsea hefur staðfest kaup á enska landsliðsmanninum Morgan Rogers frá Aston Villa.
Hann er dýrasti enski leikmaðurinn frá upphafi og kostar 117 milljónir punda.
Hinn 23 ára gamli sóknarmaður hefur skrifað undir samning við Lundúnafélagið sem gildir til ársins 2033 og verður hluti af liði Xabi Alonso fyrir tímabilið 2026/27.
„Ég er gríðarlega spenntur. Chelsea er stærsta félagið í London og lið sem ég hef alltaf dáðst að frá því ég var barn. Ég trúi á verkefnið, nýja stjórann og leikmannahópinn. Þess vegna er ég hér og get varla beðið eftir að byrja,“ sagði Rogers eftir undirritunina.
Rogers kemur til Chelsea eftir að hafa slegið í gegn með Aston Villa. Í 85 leikjum í ensku úrvalsdeildinni kom hann að 40 mörkum með mörkum og stoðsendingum og átti stóran þátt í góðum árangri félagsins, sem vann Evrópudeildina á síðasta tímabili.
Rogers hefur einnig fest sig í sessi með enska landsliðinu og á að baki 22 A-landsleiki frá frumraun sinni árið 2024.
