Lamine Yamal átti stóran þátt í heimsmeistaratitli Spánar en það var þriggja ára hálfbróðir hans, Keyne, sem stal athyglinni eftir úrslitaleikinn gegn Argentínu.
Að loknum 1-0 sigri Spánverja hljóp Keyne inn á völlinn á MetLife Stadium klæddur spænskri landsliðstreyju með nafni sínu og númeri eldri bróður síns á bakinu. Hann hljóp beint í fang Yamal sem tók vel á móti honum, lyfti honum upp í loftið og setti síðan rauða húfu með nafni sínu á koll litla bróður síns.
Finally trophy with this duo 🥹❣️ pic.twitter.com/R3vkvI6ONQ
— Mira ᯓ★ (@AddictedtoFCB8) July 20, 2026
Keyne vakti einnig athygli þegar lögreglumaður frá New Jersey leyfði honum að máta þjónustuhúfuna sína í stutta stund áður en drengurinn skilaði henni kurteislega til baka.
Þetta var aðeins eitt af mörgum eftirminnilegum augnablikum Keyne á mótinu. Hann hefur birst á risaskjám leikvanga, farið eins og eldur í sinu á samfélagsmiðlum og heillað stuðningsmenn Spánar upp úr skónum með uppátækjum sínum.:::
