Miklar óeirðir brutust út í Buenos Aires í Argentínu í kjölfar taps landsliðsins gegn Spáni í úrslitaleik heimsmeistaramótsins.
Þúsundir stuðningsmanna höfðu safnast saman í miðborg argentínsku höfuðborgarinnar til að fylgjast með leiknum á risaskjám. Þegar ljóst varð að Spánn hefði tryggt sér 1-0 sigur eftir framlengingu sauð hins vegar upp úr.
Samkvæmt argentínskum fjölmiðlum brutust átök út þegar stuðningsmenn klifruðu yfir öryggisgirðingar við Obelisk-minnisvarðann í miðborginni. Fljótlega fóru flöskur og aðrir munir að fljúga í átt að lögreglu.
Argentina fans clashed with police in Buenos Aires after the team's World Cup final loss to Spain, leading to road closures pic.twitter.com/Ato5UDEmpv
— Reuters (@Reuters) July 20, 2026
Lögreglan brást við með táragasi, vatnsbyssum og gúmmíkúlum til að dreifa mannfjöldanum. Óeirðirnar stóðu í um tuttugu mínútur.
Að minnsta kosti 15 manns voru handteknir og nokkrir slösuðust, þar á meðal sjö lögreglumenn. Einnig þurftu nokkrir almennir borgarar að leita sér læknisaðstoðar eftir átökin.
Óeirðirnar settu dökkan svip á kvöld sem hafði þegar endað með miklum vonbrigðum fyrir argentínska stuðningsmenn eftir tapið í úrslitaleiknum
