Real Madrid hefur engan áhuga á að reyna að kaupa Rodri, miðjumann Manchester City, í sumar samkvæmt upplýsingum The Athletic.
Spænski landsliðsmaðurinn hefur reglulega verið orðaður við Real Madrid og talið var að félagið gæti horft til hans í leit sinni að frekari styrkingu á miðsvæðinu. Forráðamenn spænska stórliðsins hafa hins vegar ekki í hyggju að gera atlögu að leikmanninum í núverandi félagaskiptaglugga.
Rodri er þrítugur og hefur verið einn mikilvægasti leikmaður Manchester City undanfarin ár. Hann gegnir lykilhlutverki í liði félagsins og því yrði væntanlega bæði erfitt og kostnaðarsamt að sannfæra ensku úrvalsdeildarmeistarana um að selja hann.
Real Madrid mun því beina athygli sinni annað í sumar, þrátt fyrir fyrri sögusagnir um möguleg félagaskipti. Rodri er enn samningsbundinn Manchester City og ekkert bendir til þess að hann sé á förum frá félaginu á næstunni.
