Gilberto Mora hefur átt viðburðaríkt sumar. Eftir að hafa hjálpað Mexíkó í 16-liða úrslit heimsmeistaramótsins útskrifaðist þessi 17 ára gamli miðjumaður úr menntaskóla.
Mora, sem var yngsti leikmaður mótsins, tók við útskriftarskírteini sínu í Tijuana við mikinn fögnuð samnemenda sinna, sem veifuðu meðal annars pappaspjöldum með mynd af honum.
Mora vakti mikla athygli á HM þar sem hann lék fjóra leiki og varð yngsti leikmaðurinn síðan Pele til að vera í byrjunarliði í leik í útsláttarkeppni á heimsmeistaramóti.
Frammistaða hans hefur ekki farið fram hjá stórliðum Evrópu, sem hann er nú orðaður við.
