Chelsea eyddi færslu á samfélagsmiðlinum X í miðjum undanúrslitaleik Argentínu og Englands á HM eftir hörð viðbrögð stuðningsmanna.
Félagið birti mynd af Enzo Fernandez fagna jöfnunarmarki sínu fyrir Argentínu, þar sem miðjumaðurinn hélt höndunum upp að eyrunum fyrir framan áhorfendur.
Færslan vakti hins vegar litla lukku hjá stuðningsmönnum Chelsea. Margir bentu á að um enskt félag væri að ræða og töldu óviðeigandi að fagna marki gegn enska landsliðinu.
„Við erum enskt knattspyrnufélag. Þetta er slæmt,“ skrifaði einn stuðningsmaður og margir tóku undir.
Nokkrir rifjuðu einnig upp að Fernandez hefði verið orðaður við brottför frá Stamford Bridge fyrr á árinu og töldu því enn óskiljanlegra að félagið hefði ákveðið að birta myndina.
Chelsea brást við gagnrýninni með því að eyða færslunni.
Argentína vann leikinn 2-1.
