Egypska knattspyrnusambandið hefur lagt fram formlega kvörtun til FIFA vegna dómgæslunnar í 3-2 tapi gegn Argentínu í 16-liða úrslitum HM.
Sambandið krefst rannsóknar á störfum dómarateymisins, undir stjórn Francois Letexier, og vill að bæði aðaldómari og VAR-teymið verði reknir af mótinu.
Egyptar voru sérstaklega ósáttir við að mark Mostafa Ziko hafi verið dæmt af eftir VAR-skoðun vegna brots fyrr í sókninni. Þá töldu þeir einnig að dæma hefði átt vítaspyrnu þegar brotið var á Mohamed Salah skömmu áður en Argentína skoraði sigurmarkið í uppbótartíma.
Landsliðsþjálfarinn Hossam Hassan sagði eftir leik að Egyptar hefðu verið beittir óréttlæti og gaf í skyn afhenda ætti Argentínumönnum titilinn á silfurfati.
