Portúgalska knattspyrnusambandið hefur staðfest að Roberto Martínez sé hættur sem landsliðsþjálfari.
Martinez greindi sjálfur frá ákvörðun sinni eftir 1-0 tap Portúgals gegn Spáni í 16-liða úrslitum HM.
„Ég kom til Portúgals með það markmið að vinna heimsmeistaratitilinn. Þar sem það tókst ekki væri ekki skynsamlegt að halda áfram. Samningurinn minn rennur út í dag,“ sagði Martinez.
Þessi 52 ára gamli Spánverji tók við landsliðinu í janúar 2023 og stýrði því meðal annars til sigurs í Þjóðadeildinni árið 2025. Á HM endaði Portúgal í öðru sæti síns riðils, sló Króatíu út í 32-liða úrslitum en datt síðan út fyrir Spáni.
Portúgalska knattspyrnusambandið segir leit að eftirmanni Martínez þegar hafna.
