Lionel Messi og eiginkona hans, Antonela Roccuzzo, hafa stigið fram til varnar argentínsku sjónvarpskonunni Sofi Martinez eftir orðróa um meint ástarsamband hennar og Messi.
Orðrómurinn hefur verið á kreiki frá því á HM árið 2022 en eftir sigur argentíska landsliðsins á Grænhöfðaeyjum í 32-liða úrslitum á mótinu í ár gerði Messi góðlátlegt grín að sögusögnunum í viðtali við Martinez.
„Þegar ég horfi á þig spyr fólk af hverju ég sé að horfa á þig. Og þegar ég heilsa þér spyr það af hverju ég sé að heilsa þér,“ sagði Messi við Martinez sem svaraði: „Þetta er allt saman lygi.“
Martinez hefur einnig greint frá því að Antonela hafi sent sér skilaboð þar sem stóð: „Sofi, hafðu engar áhyggjur, hunsaðu þessa vitleysu.“
Martinez hefur áður sagt að orðrómarnir hafi haft áhrif á fjölskyldu sína og að hún telji sig hafa orðið fyrir barðinu á þeim vegna þess að hún er kona.
