José Mourinho hefur samkvæmt erlendum miðlum þegar samþykkt tvö ný leikmannakaup hjá Real Madrid eftir að hann tók við stjórastarfinu fyrir tveimur vikum. Mourinho hefur þó ekki tekið formlega við.

Um er að ræða varnarmennina Ibrahima Konaté og Denzel Dumfries, sem sagðir eru vera á leið til félagsins. Mourinho er talinn hafa miklar mætur á báðum leikmönnum og telur þá styrkja liðið verulega fyrir komandi tímabil.

Þrátt fyrir þessi kaup er ekki útilokað að Real bæti við öðrum varnarmanni ef rétti kosturinn býðst á félagaskiptamarkaðnum síðar í sumar.

Einnig er greint frá því að Antonio Rüdiger hafi skrifað undir nýjan samning við félagið, á meðan Dani Ceballos virðist vera á útleið.

Þá er ákvörðun Nico Paz talin vera næsta stóra málið á borði forráðamanna félagsins, en framtíð unga miðjumannsins hefur verið mikið til umræðu undanfarnar vikur. Real hefur forkaupsrétt á honum frá Como.

Ljóst er að nóg er enn eftir af sumrinu og búast má við frekari breytingum á leikmannahópi Real Madrid á næstu vikum.