Helgi Fannar Sigurðsson og Hörður Snævar Jónsson hituðu vel upp fyrir Bestu deild karla í Íþróttavikunni.

FH-ingar skiptu um þjálfara í vetur og er Jóhannes Karl Guðjónsson tekinn við af goðsögninni Heimi Guðjónssyni.

Nokkuð fjaðrafok hefur verið í kringum FH í vetur, bæði þar sem margir vildu halda í Heimi og þá bætti ekki úr skák þegar ákveðið var að losa Böðvar Böðvarsson, einn besta leikmann FH til margra ára.

„Maður hefur heyrt það frá FH-ingum að þráðurinn verði ekki sérlega langur ef þetta byrjar illa,“ sagði Helgi.

„Nei, nei. En ég treysti alveg á það að þeir menn sem að ráða í Krikanum þó einn og einn fari á X-ið eða Mafíuspjallborðið og hrauni yfir þá.

Davíð Þór Viðarsson, Viðar Halldórsson, Jón Rúnar og allir eru eldri en tvævetur og verða að standa með þessu,“ sagði Hörður hins vegar.