Það er komið að því að opinbera spá 433.is fyrir Bestu deild karla og í 10. sæti eru nýliðar Þórs.
10. sæti – Þór
Lokastaða í fyrra: 1. sæti í Lengjudeildinni
Besti leikmaðurinn: Isaac Atanga
Hefur eitthvað að sanna: Atli Sigurjónsson
„Þeir hafa heldur betur verið virkir á markaðnum í vetur, þó þeir hafi látið einhverja frá sér líka. Þeir hafa horft í heimahagana, sækja Atla Sigurjóns, Ágúst Eðvald og Bjarna Guðjón. Þeir ætla að keyra þetta á heimastemningunni,“ sagði Hörður Snævar Jónsson í Íþróttavikunni, hvar spáin var opinberuð.
„Það er rosaleg spenna og stemnning í kringum liðið og ég held að það gæti farið svolítið langt með þetta, auk þess að vera með fullt af frambærilegum leikmönnum.“
