Helgi Fannar Sigurðsson og Hörður Snævar Jónsson hituðu vel upp fyrir Bestu deild karla í Íþróttavikunni.

Patrick Pedersen, besti maður Vals, verður ekki með liðinu fyrstu mánuðina vegna meiðsla.

Því var velt upp í þættinum hvernig það yrði leyst, en hinn ungi Dagur Orri Garðarson var til að mynda keyptur frá Stjörnunni í vetur.

„Ég held bara að Tryggvi Hrafn muni leysa það eða þeir sækja sér senter,“ sagði Hörður og hélt áfram.

„Þeir hafa ekkert farið í felur með það að þeir vilji Kristófer frá Blikunum. Tilfinningin mín er ekki sú að Dagur muni byrja mikið af leikjum.“