Danir og Ítalir eru vægast sagt ekki sáttir við karlalandslið sín í kvöld, en þau töpuðu í vítaspyrnukeppni í úrslitaleik umspils um sæti á HM.

Bæði lið þóttu sigurstranglegri fyrir kvöldið, Danir gegn Tékkum á útivelli og Ítalir gegn Bosníu, einnig á útivelli.

Bæði lið töpuðu þó eftir mikla dramatík og eru fyrirsagnir íþróttamiðla í löndunum eins og við má búast.

„Ófyrirgefanlegt – Þessu munum við aldrei gleyma,“ segir til að mynda í B.T. í Danmörku.

Ítalir eru að missa af þriðja heimsmeistaramótinu í röð. „Þetta er martröðin endalausa,“ segir í fyrisögn Tuttomercato.