Adam Ægir Pálsson og Jónatan Ingi Jónsson, leikmenn Vals, voru gestir Helga Fannars Sigurðssonar í Íþróttavikunni.

Adam var í vetur eitthvað orðaður við brottför frá Val. Hann segir framtíð sína hafa komið til tals en niðurstaðan varð sú að hann vildi vera áfram á Hlíðarenda.

„Ég var skýr í því að ég þyrfti að fá að spila á þessu tímabili, sama hvort það væri í Val eða annars staðar, ef það væri ekki raunin langaði mig að skoða eitthvað annað. Eins og er er ég sáttur í Val og er ekki að fara neitt.“

Adam hefur átt gott undirbúningstímabil og eru margir spenntir fyrir því að fylgjast með honum í sumar.

„Ég er búinn að leggja hart að mér eftir erfitt tímabil í fyrra og það er kominn tími til að ég sýni aftur hvað ég get.“