Max Eberl yfirmaður knattspyrnumála hjá FC Bayern segir ólíklegt að félagið hefði getað borgað sömu upphæð og Liverpool fyrir Florian Wirtz.
Liverpool er að rífa fram um 150 milljónir evra fyrir þýska landsliðsmanninn.
Bayern vildi fá Wirtz en viðræðurnar fóru ekki langt því eftir fund Wirtz með Arne Slot vildi hann aðeins fara til Liverpool.
„Ef ég er heiðarlegur þá hefðum við líklega ekki getað borgað það sem Liverpool er að rífa fram, Florian Wirtz er magnaður leikmaður. Við hefðum viljað fá hann en þegar einar dyr lokast þá opnast aðrar,“ segir Eberl.
Þýskir fjölmiðlar segja Bayern langt komið í samtali við Nico Williams sóknarmann Athletic Bilbao og er hann sagður áhugasamur um að koma.
„Það er mikið af nöfnum í umræðunni,“ sagði Eberl þegar hann var spurður út í það.
